Urë mbi brigje të thepisun

Më ep siguri e qetësi

Të drejtën rrugë nuk ma humbet

Lehtë rrugëtoj , sa hijeshi

Edhe dielli edhe hana

Po mundohen t'më dëftojnë

Të vërtetat që fshehë jeta

Para syvet mi zbulojnë

Toka qielli dhe gjith' q'ka

Shfaqin shkoqur shum fshehtësi

Që ja humbe mendjes tande

Para syvet o njeri

Edhe muzgu dhe agimi

Njëra tjetrën që e vdesin

Nuk na janë si me pahir

Mrekulli të gjalla mbesin

Edhe ndjenjat , përjetimet

Që me fjalë nuk mund t'i themi

Sa të mira e gëzime

Na ndritojnë kur dritë nuk kemi

Plot e plot të mira o Zot

Ke krijue për njerëzinë

Lavdi pra për Perëndinë