A lejohet t’i japësh gji fëmijës nëse je xhunub, kur nuk mund të marrësh gusul?

Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen, mbi shokët dhe mbi të gjithë ata që ndjekin rrugën e tij deri në Ditën e Gjykimit.
Gruas i lejohet t’i japë gji fëmijës së saj gjatë kohës kur ajo është xhunub (gjendja pas marrëdhënieve seksuale) para se të pastrohet, ashtu siç i lejohet t’i japë gji edhe gjatë kohës së menstruacioneve apo gjatë fazës së lehonisë.
Pastrimi nga xhunubllëku është obligativ për shkak të faljes së namazit dhe kryerjes së ibadeteve të ndryshme, kurse pastrimi nga xhunubllëku për shkak të dhënies gji fëmijës nuk është i kërkuar dhe këtë nuk e thotë askush nga ulematë tanë të nderuar. Allahu e di më së miri!
 

Alaudin Abazi