E martë, 29/09/2020, 21:58
Eselamu alejkum Guest | RSS
Menya
Kategoritë
Kuran [24]
Sunnet [35]
Akide [48]
Fikh [46]
Tefsirë [48]
Sira [15]
Dave [9]
Tregime [99]
Urtësi [31]
Mesazhe Islame [105]
Artikuj [392]
Hutbe [91]
Arti Islame [18]
Pyetje & Përgjigje [520]
Poezi Islame [11]
Emra musliman [5]
Poezi Islame [94]
Kurani dhe shkenca [147]
Histori [26]
Familja Islame [106]
Shtyllat e Fesë [193]
Mësime ditore [43]
Ligjërata nga hoxha i nderuar Ulvi Fejzullahu
Video [44]
Komentet
500
Na gjeni n'Youtube

Statistikat

Gjithsejt online: 1
Vizitorë: 1
Anëtarë: 0
Hyrja » Artikuj » Artikuj

Rreth Allahut në Bibël
Rreth Allahut në Bibël
 
Allahu quhet Allah në Bibël, Allahu quhet Allah në Kur'an.
 

 


Shkruan: Mexhid YVEJSI, Gjakovë


"Nëse nuk është drejtë mos e bëj, nëse nuk është e vërtetë mos e thuaj." - M. Aureli


 

Nuk është e drejtë, por bëhet kjo padrejtësi, nuk është e vërtetë, por thuhet e shkruhet kjo e pavërtetë se Allahu është Zoti i arabëve, i turqëve, i iranianëve, ose thënë më shkurt se Allahu është Zoti i muslimanëve…
Pra, kjo jo vetëm që nuk është e drejtë, por as nuk është e vërtetë!
Ndërsa po fliste me një grua besimtare, që e takoi te një pus, Jezu Krishti (Hazreti Isai (a.s.) theksoi se duhet të dimë të vërtetën për Allahun…

 

E vërteta për Allahun

Kjo grua besimtare, e cila ishte samaritiane, e pranoi se Jezui (Isai a.s.) ishte i dërguar i Zotit, por diçka e mundonte. E mundonte se feja e Jezuit (Isait a.s.) ndryshonte nga feja e saj. Kur ajo ia shprehu këtë merak, atëherë, Jezui (Isai a.s.) i tha hapur:

"Ju adhuroni atë që s'e njihni, ne adhurojmë atë që e njohim." (Bibla, Gjoni, 4:22)

Pra, është me rëndësi jetike të kuptojmë se në çka besojmë, se çka adhurojmë. Çelësi për të njohur Allahun, Krijuesin, Zotin, Hyun apo të madhin Perëndi, i Cili është Një, gjendet te Shpalljet Hyjnore dhe kjo njohuri për krijesat njerëzore është më e madhja fitore…

Allahu është Një. S'ka zot tjetër përveç Tij. Ai është kudo, në çdo anë; Allahu quhet Allah në Bibël, Allahu quhet Allah në Kur'an.


Allahu në Bibël

Ç'është Bibla?

Bibla është teksti themelor, kryesor, qendror i dy besimeve monoteiste, Judaizmit dhe Krishterimit. Prejardhja e emrit "BIBLA" vjen nga greqishtja: "He biblos", që do të thotë: "Libri", kurse në trajtën demiunitive quhet: "Ta biblia", që do të thotë: "Libërthat."

Prejardhja e demiunitivit origjinal të fjalës "biblion" ose "biblos" rrjedh nga fjala papyrus (letra) e egjyptasve, që vjen nga emri i portit fenikas, Biblos, prej të cilit ekportohej papirusi nga Egjypti në Greqi.

Pra, Bibla ka kuptimin "Libërthat" sepse në një Libër janë përmbledhur shtatëdhjetë e tre libra të ndryshëm, të shkruar nga shumë autorë, shumë prej tyre janë ende të panjohur.

Bibla quhet ndryshe edhe Shkrimi Shenjt, Libri i librave, i cili është shkruar në tri gjuhë: hebreje, aramaike dhe greke, në një hapësirë kohore prej 1300 vjet para e deri në 100 vjet pas Krishtit…

Bibla ndahet në dy pjesë: Besëlidhja e Vjetër e Besëlidhja e Re.
Besëlidhja e Vjetër përfshin librat e Shkrimit të Shenjt të shkruara para ardhjes së Jezu Krishtit (Hazreti Isai, a.s.), që janë 46 libra, të shkruara në gjuhër hebreje dhe aramaike. Këto 46 libra i besojnë besimtarët hebrenj, katolikë dhe orthodoksë, kurse besimtarët protestantë prej 46 librave i pranojnë vetëm 39 libra si të vërteta…

Besëlidhja e Re ka 27 libra, të cilave u besojnë vetëm të krishterët…
Në tërë Biblën emri i Zotit, lavduar qoftë, përmendet 6823 herë. Emrat e bukur të Zotit që përmenden në Bibël si atribute apo si cilësitë e Tij janë 625, si: Zoti një, i fuqishmi, i drejti, i vërteti, i besueshmi, i përhershmi etj.
Bibla fillon me Librin e Zanafillës. Libri i Zanafillës është, pothuajse, themeli i tërë Besëlidhjes së Vjetër, ku shtjellohen në pika kryesore krijimi i gjithësisë.
Tregimi i parë mbi krijimin, në Bibël, fillon me këto fjalë: "Në fillim Zoti krijoi qiellin e tokën."

Në gjuhën hebreje, gjuhë në të cilën u shkrue kryesisht Bibla, për fjalën Zoti, në origjinal është përdorur termi Elohim.
Elohim, Elah dhe El janë tre emrat më të vjetër, më të hershëm të Zotit që janë shkruar në Bibël.
Elohim, pra, është emri i parë, më i hershmi i Zotit, i cili në forma të ndryshme përmendet në Bibël mbi 2300 herë…
Elohim është emri i Zotit që përdorët në njëjës dhe shumës, por që ka kuptimin se Zoti është një, i fuqishmi, i forti…
Elah është emri i Zotit në Bibël, i cili vetëm në "pesë libërshin" e Biblës përmendët mbi 7O herë…
Ky emër i Zotit, lavdue qoftë, është gjithnjë në njëjës dhe ka kuptimin: Ai i cili meriton të adhurohet…
Përveç gjuhës hebraishte, ky emër përmendej edhe tek gjuhët tjera semite, siç janë gjuha aramaike, gjuha të cilën e fliste Jezu Krishti, (Hazreti Isai a.s.), fenikase, siriake, arabe, etiopiane etj.
El është një nga tre emrat më të hershëm të Zotit në Bibël. Ky emër përmendet në Bibël mbi 250 herë dhe do të thotë: I Madhëruari, I Fuqishmi…
El, kryesisht, përdorët si emër i Zotit edhe për të përshkruar atributet ose cilësit e Tij, si për shembull:
El Ehad: Zoti është Një. (Bibla, Mal., 2:10)
El Sadik: Zoti është i Drejtë, (Bibla, Isa., 45:21)
El Hai: Zoti është i Gjallë, etj, etj,

Të tre këta emra të Zotit: El, Elohim, dhe Elah, të cilët janë emrat më të hershëm të Zotit që përmendën në origjinal në Bibël, janë të përafërt, të ngjajshëm, në shqiptim, përshkrim dhe kuptim me emrin Allah apo Ilah që janë edhe në Kur'an, sepse kanë një Autor, i Cili është Krijuesi, Frymëzuesi, Dëshmuesi…

Për besimtarët e devotshëm monoteistë, qofshin hebrenjë, të krishterë apo muslimanë, të cilët një Krijues e kanë, Bibla dhe Kur'ani janë gjurmë e gjallë e Zotit të gjallë, i Cili ka një emër të përbashkët, me një fjalë: ALLAH…
Kjo është e vërteta biblike, që ka mbetur e vërtetë edhe sot e kësaj dite…

E vërteta do t'ju lirojë

Kush s'e njeh Biblën, s'e njeh Krishtin. Krishti ose Hazreti Isai (a.s.) na premton: "Nëse do të mbani fjalën time, vërtetë do të jeni nxënësit e mi; do ta njihni të vërtetën dhe e vërteta do t'ju lirojë." (Bibla, Gjoni, 31:32)

Ashtu qoftë! Amin! Amen!


(Autori është studiues i religjioneve)

Kategori: Artikuj | Shtuar nga: Argjendi (19/08/2009)
Klikime: 463 | Ranguar: 0.0/0
Gjithsejt komente: 0
Only registered users can add comments.
[ Regjistrohu | Hyr ]
Kërko
Sinqeriteti n' FB
Radio Pendimi

Njëshmëria
Lidhje Islame
Miqtë e Allahut

Copyright © Sinqeriteti.com 2020