Allahu është Ai i Cili kujdeset për të gjitha krijesat. Ai ushqen peshkun në ujë dhe ia lehtëson atij mënyrat e ushqimit, e furnizon zogun dhe ia lehtëson nafakën. Ai i furnizon insektet dhe të gjitha krijesat e tjera.

Allahu është Ai i Cili i ka mësuar të gjitha krijesat se si të jetojnë, si të shumohen, si t’i ndërtojnë vetes fole nëpër kodra dhe lisa (bletët dhe zogjtë), ose në tokë.

Allahu i Plotfuqishëm të gjitha këtyre krijesave ua ka lehtësuar mënyrat e jetesës dhe të ekzistencës dhe u ka dhënë atë që u nevojitet.

Pra, Allahu i Madhërishëm është Krijues i të gjitha krijesave dhe Ai kujdeset për to dhe ua lehtëson atyre furnizimin. Ai i ka mësuar të gjitha krijesat si t’i rrisin dhe t’i ushqejnë vogëlushët (të vegjlit) e tyre, si të fluturojnë, të notojnë dhe si të ushqehen.