E diel, 20/10/2019, 14:32
Eselamu alejkum Guest | RSS
Menya
Kategoritë
Krijimi i njeriut [17]
Krijimi i gjithësisë [27]
Krijesa të mrekullueshme [18]
Mjeshtëria e Allahut në ngjyra [11]
Tema tjera shkencore [74]
Komentet
500
Na gjeni n'Youtube

Statistikat

Gjithsejt online: 1
Vizitorë: 1
Anëtarë: 0
Hyrja » Artikuj » Kurani dhe shkenca » Krijesa të mrekullueshme

Rezultate mahnitëse të shërimit me mjaltë
 
Rezultate mahnitëse të shërimit me mjaltë

Rrjeti informativ CNN ka publikuar një raport lidhur me rezultatet mahnitëse të shërimit me mjaltë. Këtu deshëm të sjellim shkrimin ashtu siç është, me shpresë se do të kemi dobi.

Çikago, Shtetet e Bashkuara të Amerikës (CNN)- Një studim mjekësor bashkëkohor ka konstatuar se shërimi tradicional duke i dhënë fëmijëve të goditur me kollë një lugë mjaltë vërtet lë ndikim të pritur dhe u ndihmon për gjumë pa ndonjë vështirësi dhe kjo metodë i tejkalon ilaçet bashkëkohore me lëndë të përbëra me një përqindje të lartë.

Gjithashtu përvoja, e cila mbështetet në raportet e prindërve të cilët paraqitën gjendjen shëndetësore të fëmijëve, të tyre ka vërtetuar se mjalti ka sjellë rezultate shumë më të favorshme krahas të gjitha mjekimeve të tjera, duke krijuar një shtresë preventive dhe qetësuese mbi fytin e ndjeshëm të fëmijëve, gjë që lehtëson kollën e tyre.

Dr. Ajan Bull, mjek kryesues i studimit në Universitetin Pennsylvania, komenton rreth rezultateve të hulumtimit, i cili me shaka thotë: "Shumë prej familjeve do të mbështeten në rezultatet e këtij studimi dhe do të pranojnë se gjyshet kanë qenë në të vërtetën."

Ky studim vjen në kohën kur qarqet mjekësore paralajmërojnë nga ndikimet e liga të medikamenteve të gripit dhe të kollës së fëmijëve, të cilët janë nën moshën gjashtëvjçeare. Në këtë kontekst, disa qarqe shëndetësore amerikane dhe perëndimore kanë marrë iniciativën e tërheqjes së një numri të madh të atyre medikamenteve nga tregjet.

Një numër pediatërsh, të cilët u informuan rreth studimit, konfirmuan se këto informata do t'i përcjellin te kujdestarët e fëmijëve të cilët dëshirojnë t'u japin fëmijëve të tyre ilaçe zëvendësuese, duke i paralajmëruar ata për mosdhënien e mjaltit foshnjave të cilat nuk i kanë mbushur një vit, për shkak të mundësisë së helmimit në raste të rralla.

Studimi ka përfshirë 105 fëmijë të goditur me infeksionin në fyt, ndarja e të cilëve është bërë në tre grupe. Grupit të parë i është ofruar mjalti, grupit të dytë ilaç me shijen e mjaltit, përderisa grupit të tretë i është ofruar një ilaç tjetër sipas përshkrimit të Associated Press. Aplikacionet të cilat janë mbledhur pas përfundimit të provës kanë shfaqur se fëmijët të cilët kanë marrë mjaltë kanë treguar rezultate më të mira sa i përket kollës gjatë gjumit.
Thuhet se studimi i cili do të publikohet në njërën prej revistave shkencore amerikane muajin e ardhshëm është financuar nga "Këshilli Kombëtar për mjaltin", në kuadër të Ministrisë së Bujqësisë amerikane.

Lexues të nderuar! Të vërtetën e ka thënë Allahu i Lartësuar kur thotë në Librin e Tij Famëmadh: "Zoti yt e frymëzoi bletën, (duke thënë): "Ndërto shtëpi në male dhe në drurë dhe në atë (kosheret) që kanë ngritur njerëzit!Ushqehu me gjithfarë lloje frutash dhe ec rrugës së Zotit tënd përulshëm!” Nga barku i tyre del lëng ngjyrash të ndryshme, në të cilin ka ilaç e shërim për njerëzit. Vërtet që kjo është shenjë për ata që përsiatin." (Nahl. 68-69)

Ndërsa i Dërguari i Allahut, lavdërimi dhe paqja e Allahut qoftë mbi të, thotë: "Shërimi është në tri gjëra: lëshimi i gjakut përmes prerjes së lëkurës pas hedhjes së kupave (hixhami), të ushqyerit me mjaltë, dhe djegia e lëkurës për shërim (kauterizimi me zjarr), por djegien e lëkurës (kauterizimin) ia ndaloj umetit tim.” Shënon Buhariu.

 

Përshtati: Almedin Ejupi
31.5.2009


 

Referenca: Rrjeti informativ CNN, 12/4/2007
http://arabic.cnn.com/2007/scitech/12/4/honey.coughs/index.html

Kategori: Krijesa të mrekullueshme | Shtuar nga: shpend-xhelili (05/07/2010)
Klikime: 6874 | Komentet: 4 | Ranguar: 4.0/4
Gjithsejt komente: 4
0 Spam
4 lulja  
e kam femijen 14 muajsh shpesh me smuhet me dhimbje fyti dhe me koll te hatashme a kisha guxu mi dhon mjalt edhe si me ja perdor me qka me ja dhon me qumsh a me uj te ftoft a te voket ju lutem nese dini diqka me tregoni

0 Spam
3 eri  
SI te largome kollen ??

0 Spam
2 gjilanasi  
kam ndegjuar qe ne kohen e fundit ne mjeksin popullore te shqiptarve esht dukle u perdorur edhe mjalta per sherimin e Diabetit apo smujndejes se sheqeit, ku mjalta perzihet me arra dhe hahet disa her ne dit , por mjalta duhet te jet origjinalee

0 Spam
1 ibo  
eshte e vertete sherimi i kollit me mjalte e kam provuar vet te femijet e mi.femija im shtat vjecar ende nuk i ka pi tre luge ilac gjat shtatevjeteve kur behet fjala per koll cdo her para fletjes i kam dhen nje luge mjalt dhe nje gote qumesht dhe kolli si per cudi humbet-I udhezoj te gjitha nenat qe mos te perdorin cdo her ilace per kollitje te vogla apo per fytdhembje se ateher trupi i femijes mesohet dhe cdo her e lypen.PERDORENI MJALTIN PA MAR PARASYSH A JENI TE SEMUR A JO TE VEGJEL E TE MEDHENJ:

Only registered users can add comments.
[ Regjistrohu | Hyr ]
Kërko
Sinqeriteti n' FB
Radio Pendimi

Njëshmëria
Lidhje Islame
Miqtë e Allahut

Copyright © Sinqeriteti.com 2019