Duaja - Artikuj - Publikuesi - Sinqeriteti.com
E mërkurë, 07/12/2016, 09:37
Eselamu alejkum Guest | RSS
Menya
Kategoritë
Kuran [24]
Sunnet [35]
Akide [48]
Fikh [46]
Tefsirë [48]
Sira [15]
Dave [9]
Tregime [99]
Urtësi [31]
Mesazhe Islame [105]
Artikuj [392]
Hutbe [91]
Arti Islame [18]
Pyetje & Përgjigje [520]
Poezi Islame [11]
Emra musliman [5]
Poezi Islame [94]
Kurani dhe shkenca [147]
Histori [26]
Familja Islame [106]
Shtyllat e Fesë [193]
Mësime ditore [43]
Ligjërata nga hoxha i nderuar Ulvi Fejzullahu
Video [44]
Komentet
500
Na gjeni n'Youtube

Statistikat

Gjithsejt online: 1
Vizitorë: 1
Anëtarë: 0
Hyrja » Artikuj » Artikuj

Duaja
Duaja

 
"Tha Zoti juaj : Më lutni Mua e Unë ju përgjigjem, e ata që bëhen mendjemëdhenj ndaj adhurimit Tim, do të hyjnë në Xhehennem duke qenë të nënçmuar.” (Gafir : 60).
Duaja është një proces komunikimi direkt me Allahun. Është të treguarit e dobësisë, nevojës dhe përulësisë nga ana e robit të varfër, i cili nuk mund t’i ndihmojë vetes dhe të kërkuarit e tij ndihmë nga Allahu i Madhëruar dhe Fuqiplotë, i cili është në gjendje t’i ofrojë gjithçka që është e dobishme, dhe t’i largojë gjithçka që është e dëmshme.
Duaja është prej ilaçeve më të dobishme. Ajo parandalon fatkeqësitë, i mënjanon dhe i lehtëson në rast se ato ndodhin. Allahu e di çfarë fshihet në qoshet më të thella të zemrave tona, andaj pse të mos i nxjerrim jashtë lutjet tona, pse të mos i lëmë duatë të na bëhen si ' terapi ' për ne.

Kështu, ti kërkon prej Atij që të ka nën kontroll, Atij që të njeh ty më mirë se sa e njeh ti veten. Për gjithçka që dëshiron Pejgamberi, salall-llahu alejhi ve selem, ka thënë: "Duaja sjell dobi për atë (fatkeqësi) që ka ndodhur dhe për atë që nuk ka ndodhur. Pra, bëni dua, o robër të All-llahut!"
Nga Enes b. Maliku r.a. trensmetohet se Pejgamberi, salall-llahu alejhi ve selem, ka thënë : "Mos pushoni në drejtimin e duasë, ngase askush nuk do të pësojë gjatë duasë !”
Nga Ebu Seid el-Hudri transmetohet se Pejgamberi, salall-llahu alejhi ve selem, ka thënë : "Nuk ka musliman të tillë që do t’i drejtojë dua Allahut – me kusht që në të, të mos ketë ndonjë mëkat ose këputje të lidhjeve familjare – e që Allahu, falë asaj, të mos i japë një nga këto tri gjëra: ta shpejtojë atë për çka është lutur, t’ia ruaj këtë për botën tjetër, ose ta kursejë nga të këqiat e ngjashme.”
Duaja është një prej kushteve të adhurimit ngase është një lidhje në mes njeriut dhe Krijuesit.
Profeti Muhamed, sallall-llahu alejhi ve selem, ka thënë: "Duaja (apo lutja) është thelbi i adhurimit". (Transmeton Enesi, Tirmidhiu) .
Edhe këmbëngulja në dua është një prej ilaçeve më frytdhënëse. I Dërguari i Allahut, sallall-llahu alejhi ve selem, ka thënë: "Allahu i do këmbëngulësit në dua”. Personi i cili bën dua duhet të jetë i sigurtë se Allahu do t’i përgjigjet atij, duhet që duaja të shoqërohet me praninë e zemrës, me përqëndrimin e saj për të realizuar kërkesën, duhet që personi të ketë frikë në zemrën e tij dhe të jetë i përulur dhe i nënshtruar përpara Allahut.
Në një hadith të transmetuar nga Ebu Hurejra Profeti, salall-llahu alejhi ve selem, ka thënë: "Bëj dua dhe të jesh i sigurtë se do të të përgjigjet, dhe dije se Allahu nuk i përgjigjet duasë që del nga një zemër e shkujdesur e cila nuk përqëndrohet."
Allahu i ka urdhëruar njerëzit ta lusin Atë me përulësi dhe me sinqeritet, duke u premtuar atyre se Ai do t’u përgjigjet lutjeve të tyre dhe do t’i plotësojë nevojat e tyre. "Duatë e tre njerëzve nuk refuzohen: agjëruesit kur e prish agjërimin, sundimtarit (liderit) të drejtë, dhe njeriut të shtypur (në presion)." (Transmeton Ebu Hurejra, Tirmidhiu)

"Askush nuk bën dua e Allahu të mos i japë atij çfarë kërkon, apo të mos e mbrojë nga e liga, duke konsideruar se ai nuk është duke kërkuar diçka prej mëkateve apo për prishjen e lidhjeve familjare." (Transmeton Xhabiri, Tirmidhiu)
Kohët më të mira për pranimin e duasë janë: 1/3 e fundit të natës, dita e Arafatit, Muaji i Ramazanit, e premtja, në kohë paniku atëherë kur zemra është e butë dhe e ndieshme, në sexhde, gjatë thirrjes së ezanit, koha midis ezanit dhe ikametit, koha pas namazeve farz, para ngrënies së iftarit, ditët e fundit të Ramazanit, gjatë ngritjes së imamit në hytbe në ditën e Xhuma, kur bien shi, ora e fundit pas namazit të inkidisë, udhëtarit etj.

Për kryerjen e duasë në mënyrën e duhur, duhen plotësuar këto kushte :
-Dretimi nga Kibla.
-Pastërtia trupore.
-Ngritja e duarve.
-Të filluarit me lavdërimin, falënderimin e Allahut dhe madhërimin e Tij.
-Dërgimi i salavateve për Muhamedin (salall-llahu alejhi ve selem), robin dhe të Dërguarin e Allahut.
-Pendimi dhe të kërkuarit e faljes.
-Lidhja me Allahun dhe këmbëngulja në dua.
-Që të lutesh vazhdimisht dhe duanë ta përsëritësh tri herë.
-Përmendja e emrave dhe cilësive të Allahut si dhe njësimi i Tij.
-Duhet të jetë i sigurtë se Allahu do t’i përgjigjet atij.
-Lutja duhet të drejtohet me vëmendje, përkushtim, përulësi dhe me një zë as të lartë e as të ulët.

-Mirëpo, rezultati i dëshiruar i duasë mund të mungojë për shumë arsye :
-për shkak të parregullsisë së vetë duasë
-për shkak të neglizhencës në zemër, papërkushtimit ndaj Allahut
-për shkak të harameve, mbylljes së zemrës në mëkate dhe përkushtimi i saj ndaj pakujdesisë, pasioneve, argëtimit dhe ahengjeve
-për shkak të ngrënies ose pirjes haram.

E lusim Allahun që të na i pranojë duatë tona, dhe të mos na ndajë nga përkujtimi (dhikri) i Tij.

Përgatiti: Blerta Shaqiri
Kategori: Artikuj | Shtuar nga: shpend-xhelili (24/12/2010)
Klikime: 546 | Ranguar: 3.3/3
Gjithsejt komente: 0
Only registered users can add comments.
[ Regjistrohu | Hyr ]
Kërko
Sinqeriteti n' FB
Radio Pendimi

Njëshmëria
Lidhje Islame
Miqtë e Allahut

Copyright © Sinqeriteti.com 2016